يــاطــيــر

ياطير هدي دام عندي هواجيس = واسمع كلامي واحفظ إلي بقوله
اكتب على ريشك سفير الأحاسيس = واحمل مكاتيبي وعيش البطوله
بلغ سلامي من ورث زين بالقيس = الفاتنه بنت العرب والحموله
إلي لها في القلب حب ( ن ) وتقديس = مصيونة الجانب وعذرى خجوله
فديتها ذيك العيون النواعيس = من شافها يرقى لقمة ذهوله
إليا مشت دقت فقلبي نواقيس = كنها السعد يمشي بخطوه عجوله
جمر المشاعر أوقدت له فوانيس = وجاني بظلام الليل مرخي فلوله
ضاعت علومي وطاح دمع ( ن ) محابيس = يامسرع الدمعات لحظة وصوله
ارهيت له من بنن أشقر محاميس = ورحبت بقدومه ونوخ ذلوله
قلي مسافر يازعيم القرانيس = الوقت يجبرني بشيل الحموله
قلت أذكر الله ثم تعوذ من ابلس = ما عاش قلب ( ن ) والحزن دار حوله
من دونك أضلاعي وقوف ( ن ) متاريس = يحرم على عاذلك يقرع طبوله
ولا البعد يهبا وخلي الوساويس = ما طيق بعدك ولا اتمنى حصوله
لامالت الورده بهب النسانيس = تلقى محب الورد يروي فصوله
لاشك من عاصر زمان الجواسيس = يشيب قلبه في سنين الطفوله
لاتلتفت لعلوم قومن مناحيس = القول قولي وان نويته اطوله
ماهر بن عبد المعين العلياني الهذلي